عيد حجاج موهبة على الطريق

متابعه. أحمد يوسف

أنا_اصلا_نسيتها…

ولسه اللمعة جوا عنيك…

بتبان لما تيجى سيرتها …..

والعشرة لسه سايبة فيك….

حجات بتخدك من دنيتى…..

وترجعك لدنيتها….

لا قلنا حرام. ولا عيبنا فيها. ولا عيبنا فيك…..

بس العيب أنك بتكدب كله مره… وتقول نسيتها…

بتنكر حبها فى قلبك….بكل برود

ومش عارف تدارى النار ولوعتها….

وتنسى إنى أنا داريت عيبك ….

وحافظة كل تفاصيلك… وحافظة كل ألاعيبك

وحافظة مين زمان باعك…و عارفة مين زمان خانك..

وحاسة كل أوجاعك…وشريكة فى كل أحزانك …وقارية كل أفكارك….بشوفها ف نفخ دخانك….

وليه تكدب بكل جحود….

وتقول عمرك ماحبتها….

من كتر الفكر شًعرك شاب…..وشٍعرك فيها يملا كتاب….بتقفل باب و تفتح باب…حبال الوصل مقطوعة…. وفكرك عمر حبله ماداب ….. عرفاك من زمان نصاب…بتشوف رسمها فى رسمى…
وتبدل بأسمها أسمى…عايشة فى كل تفاصيلك…حتى ف أحلى أوقاتنا..
بتشق الضلمة وتجيلك…وما يفضل منى غير جسمى….عجيبة فرقة الأحباب !!…بتحول عمر ناس لسراب….عاشت معايا سنين صادقه…وعارفة إن أنا كداب …وبتسال كل ماتيجى سيرتها…. وبتبقى عنيه فضحاني بلمعتها…وأجاوب والجواب حاضر فى لحظتها….أناااا

أنا اصلا نستها…. ومش فاكر منها حاجة………وحتى نسيت كل المواقف…. وإنى كنت عليها خايف…. كنت غرقان فى السذاجة…… نسيت طلتها اللي كانت زي شمس … طالعة من بعد الغيوم …..ولما أشوفها فى ليل سُهادى….. أشوفها قمرايه منورة وسط سمايا … وسمايا صافية مافيهاش غيوم…….عمر عينى ما شافت غيرها هيه….. حتى لو واقفة وسط مليون من جنسها….. كله كوم وهيه كوم ……أصلا نستها….. نسيت عنيها اللى كانت ….جملة حب بين قوسين……نسيت رموشها…. اللى كانو زي شجرة مضللين…..وحتى نسيت ابتسامة ثغرها….. من بين شفايف منحوتين…. نسيت حلاوة نُطقها…. نسيت جمالها…. حتى فى عز حزنها….نسيت حتى ساعات السكات…..نسيت كل حاجه بينا….. مسحتها من كل كتب الذكريات…..لو فضلت اكتب ساعات…..وأحكي فى ساعات….. مش هيكفى وصفها… ولا حتى لحظه فى قربها…… منى أيام السذاجه……علشان كده تلقانى أصلا نسيتها…… وماعدتش فاكر منها حاجة…
يا معاشر والنصيب
فارق….يدوم الوصل مهما يدوم…لابد فى لحظة هتفارق…
يا كتلة حزن لبسه هدوم…متهوم وتهمتك سارق….
هتفضل باللى فات موهوم …
هتفضل فى الهموم غارق…
تتحمل ليه عشانها اللوم ….
وأنت معاها مش فارق….