قولى ليه؟؟

بقلمى : ميرفت أمين

قولى ليه؟؟

سؤال محيرنى 

نفسى تجاوبنى عليه

مرتاح كدة فى البعد عنى ؟؟

قول صح ولا ايه

فاكر غرامنا وحبنا

ولا انا بالنسبة لك

كان وقت ومقضيه؟

معقول يكون احساسى كدبة!! 

ولا حبك لية لعبة؟

ولا لسة غرامى شاغلك

وانت اللى بتخبيه

قولى ليه؟

ليه بحياتك شاغلة بالى

ليه مازلت عندى غالى

طيف هواك مالى خيالى

وقلبى يطوف حواليه

ماتقولى ليه؟

مرتاح عشان قلبك قدر 

بالبعد يتحدانى

فاكر انه ممكن يستمر

طب بكرة ترجع تانى

اعند وكابر وانت حر

ده مش أنا بالسهل لو تنسانى

زى ماشاغل بالى حبى هيشغلك

وهسهرك تشتاق وتتمنانى

هكويك بنارى واعذبك 

سهران تدوق حرمانى

هتجينى دايب وافتكر

المستحيل راح تعمله علشانى