..ولو هتبصوا ع الصوره،
عجيبه ، غريبه ، محظوره .
..تبصوا عليها من بره ،
هتلقوا النظره مكسوره.
..بأأيامها اللى مجموعه،
ومطروحه ومجروره .
..معاكم نبتدى الذكرى ،
وذكرى القلب محسوره .
..مابين احلام بنحياها ،
دموع ، وأهاتى مجبوره .
…وتايهه ف غربة الأيام ،
بحيره و فكر موش راسى .
..على الأمل اللى مش مولود ،
على الخل اللى مايواسى .
..على العمر اللى عاش مضغوط ،
يعد عليا أنفاسى .
…ولو هتبصوا ع الصوره ،
خطوط مرسومه بمقاسى .
..بكراكيبها ، واوجاعها ،
لا راحة بال ، ولا كراسى .
..عليها نفرغ المكبوت ،
عليها أرد أنفاسى .
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب