متستغربوش من الكلمه ده مرحله بنوصل لها بعد محاولات كتير اوى من التحمل … تحمل لفقد أرواح غالين علينا .
تحمل لأوجاع من ناس اتعشمنا فيهم وخذلونا .
تحمل لمواقف فوق تحملنا من شده قسوتها ولقينا نفسنا مجبرين نتحط فيها ونواجهها ونحلها .
تحمل لأننا نكون مليانين وجع وفى عز وجعنا نبان كاننا جوانا قوة وعزم ونتكلم مع اللى حوالينا بكل جبروت . وللاسف بتكون قوة مزيفه علشان معندناش حتى رفاهيه أننا نقول اه بصوت عالى .
تحمل لحاله مزيفه من اللامبالاة برغم فكرنا اللى ااقرب للجنون .
تحمل لناس مجبرين على التعايش معاهم .
واخيرا واصعبهم تحمل لنفسنا واحنا طول الوقت شايفين الحقيقه بعين اليقين وعاملين نفسنا مش شايفين .
وده منتهى الالم ايوه منتهى الالم من قلب اتملىء بالوجع وصرخ بدون صوت ومحدش سمع انينه غير روحك والروح أما لقت نفسها هانت بكت وبكاها كان كتير …. فتحولت لروح هشه .. نعم يا سادة هشاشه الروح بتيجى من منتهى التحمل ومنتهى الالم ومنتهى الحب ومنتهى كل المشاعر اللى لو ضاعت بتوقف حياتنا عندها وبنكون عايشين بس مش عايشين .
واخيرااا لكم منى ولكل الأرواح الهشه ااسف على الازعاج …./مني خليل
More Stories
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل
التطوع:صناعة البطل الحقيقي