من ديوان/ سلام يادنيا
..فى زمان كرونا اتلخبطت ،
الدنيا و الاحوال .
..وحبس نفوسنا ربنا ، ممنوع
بقى التجوال.
.. وصلاتنا ضاعت مننا ، ف
الكعبه ، والترحال.
..لحبيب قلوبنا المصطفى ،
بقت الزياره خيال.
..الأمر صادر م السما ع الارض
م الأعمال.
.. العرى ويا الزنا ، ويا الربا
فى المال .
..والخمر مبقاش فى الدرى، بقى
مستباح موال.
..والاخ يحسب ورثته ، نصاب
كبير محتال.
..لا الاخت طالت حقها، ولا شرع
ماشى حلال.
..والأب والأم اترموا ، مابقوش
خلاص ع البال.
..والقتل أصبح مستباح ، من غير
قانون فعال.
..قتل العجازى والنسا، والأبريا
الاطفال.
..ابليس عمانا بضحكته ، مزمار
ورقص ياخال.
..وألوف فى عرس بتترمى ،
ومفيش زكاه للمال .
…والفقرا فى التوهه اتنسوا،
صبحت حياتنا ضلال .
…وازاى يبارك ربنا !!!!؟ ، راجعوا
شريط الاحوال .
..لازم نصالح ربنا
يتوقف الزلزال.
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب