واللي احنا فيه دلوقت
انا كنت بحلم أعِد بيكي الوقت
ان غبت دمعك يروي مراسيلك
وان غبتي يوصف وشي اني اشتقت
كان بودي نجوب شوارع الصيف
واهديكي قلبي ف ايده شايل ورد
وان جار عليكي الشتا
اديكي حضني تحاربي بيه البرد
كان بودي نعيش كأي اتنين
بادئين حياتهم ع الروتين والوصف
وابنيلك من شقاي شقة
نتحدي بيها اي غارة وقصف
انا كان ف بالي
اني راح اغازلك ليلاتي
ونمشي ف الشارع نهاتي
ونجيب عيال تشبهنا سُنة وفرض
ياخدوا الجمال والضحكة وعيونك
وياخدو غيرتي علي الوطن والارض
….
أحمد الديب
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب