أما تبقي طالعه
من جوه القلب
ترسم في العيون
لمعه تفك الكرب
تلون الوش بحب
بتحيي النفس
من جوه
وتدي للبدن قوه
وينسي الغلب
عن القلب اما تخرج
الضحكه صافيه
من جواه
بيتحول ويتجمل
وينبض بنغمه
تسعده تجدده
تشطب من جواه الاه
عن النفس اللي هيه
صاحبه القلب اللي هو
خارجه الضحكه
من جواه
بتبقي شابه
ودايما للفرح حابه
وتتنقش جواها
سعاده غير
الغير
من جوه
وعني انا
اما تخرج ضحكتي
من قلبي،
بشوف بيها نور دربي،
وافضل ادعي كده ربي
تدوم يارب الضحكات
وتبعد عني الاهات
واعيش وافرح
واستمتع بضحكه
قلبي من جوه
بقلمي.. رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب