علي صفحه فاضيه

بقلمي..رويدا عبدالحى

على صفحة فاضية

هابتدي ارسم كلامي
هانقش فيها اسمك
هابعته ويا سلامي
يبلغك مني التحيه
ويا فائق الاحترام
وبعتذر لو كان كلامي
فيه ملام..
دنا حتي ببعت
لك فيه
غزير الابتسام..
وهاقولك كمان..
تحياتي رفيع الذكر
عالي المقام..
بلغ عنيك الكذابين
عذب السلام
بلغ قلبك الخداع
اني بقوله الوداع
شبعت من كذبك
شبعت من وهمك
شبعت من
مر الكلام
بكره يترد
لك كله
من حد تاني..
ساعتها هتحس
اد إيه
كنت اناني
كنت دايما
بس تاخد
واما جه عليك
الدور علشان تدي
قمت هربت
بشكل ودي،
وانتهي الامر
بسلام
رغم اني
كنت بستبعد
النهايه
وكان كل حلمي
تبقي دايما
معايا..تبقي
روحي اللي
ساكنه جوايا
بس خلاص
اتمليت منك
بالالآم
وخلص بينا
الكلام..
تحياتي لمن
كان في قلبي
عالي المقام