الـــــــــــوصـــــــــــيـــــــــــة

كتبت أية شريف

اه يا زمان الاسى على العمر لما يفوت واشوف ابويا انا راقد يا نا س بيموت

نده عليا وقال تعالا واسمعنى اسمع بقا وصيتى يبنى وطاوعنى

وبحد سيف القدر قطع النفس والصوت

ابويا وصانى وصيه اخر كلام وكانت هى قال حط اخوك دا فى نن عنيك وازرع فى قلبه الحنيه

قال بص لامك واوعلها واوعاك يا ولدى تزعلها هى اللى بقيالك بعدى وانت اللى بعدى هتبقالها

وخلى بالك من مالك وبص دايما ادامك مالك عليه راح تتحاسب فى ايه صرفته ومنين جالك

ولابد من الصحه تصونها واياك يا ولدى تهملها ولا تفتريش على حد ضعيف دى نعمه للى يقدرها

وقضى الفرض والسنه وبالايمان راح تتهنا وللثواب ربنا يهديك وتبقا من اهل الجنه

لحظة ما ياخد انفاسه الام تصرخ فوق راسه نظرة عنيه بالدمع تقول من بعدى خايف لا تاسوا

وينادى على اخويا يجينه وبايده يمسحله جبينه ويقول خلاص راح تبقا يتيم الملك له هو يعينه

ويبص لاختى ويتالم وبدمع عينه يتكلم واسمع بقلبى شفايفه تقول استرها ويارب وسلم

وفى لحظه يتغير حاله والنن يثبت فى مكانه وبالفراق ننكوى وندوب والحزن يضرب اوتاره

ابويا وصانى وصيه

بص لأمك واوعلها وبلاش ياولدى تزعلها

خلى بالك من مالك وبص دايما قدامك

ولا تفتريش ع حد ضعيف ده الصحه نعمه للى يقدرها

وبكفه يعصر على كفى والحزن ضانى ومتشفى

وقلوبنا تنزف دمع حزين واللى انكتب جاى متخفى

Post Views: 48