محمد الشاعر
سامع أنين الحيطان
من كتر الشقوق بيبكي
سامع صراخ في المكان
من ضويه الودن تشكي
حتي البشر ملهاش مكان
بين الوحوش تعيش
وكمان المطر مبقاش يندي و لا يروي
ولو راح ما بيجيش
و حزين انا علي بيت اتبني
و من كتر الخوف اتهد
لانافع فقر و لا حتي غني
واخر الطريق سد
سامع شكوي تحت قدمي من اهات و بكي الأرض
وعلي طنينه
ابكي ..
اشكي ..
من غير هدي
زي الرياح سايقة حبة ريش
اما انا
مش هسلم طول ما الأمل موجود
مش هارضي
بالانين
و الصراخ
ودموع ع الخدود
هاكمل و هاعيش و بالأمان..
حتي لو بين الأسود
وينزل مطر
ويتطرح شجر
بأمر إله معبود
و انا رافع كفي ..
يا ظلم كفي ..
انا عندي امل بالله
بعيد المدي ..
و ما بينتهيش
مساء النعيم ع كل الناس
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب