أنا ياما اشتقت
لأيدك تطبطب
لنسيمك يرطب
ويخفف نار قلبي
انا ياما اشتقت بجد
انا ياما اتمنيت تمسح
دمع الخد
وتيجيني توفي الوعد
انا ياما ستنيتك
تشاور لي حتي
من بعيد..
كان هيتولد جوايا
امل..وأبدأ معاك
من جديد
ونعيش سوا
عمر مديد
انا ياما اشتقت
تقول اني حبيبتك
وانك من غيري تعبان
وان حياتك من غيري
ناقصها حنان
واني اكون عندك بنتك
انا ياما اشتقت
لحضنك يدفيني
ونظره تشفيني
وكلمه تواسيني
تنسيني ألم بعدك
انا ياما اشتقت
لشتاك وامطاره
وربيعك وازهاره
وليلك وانواره
وعقلك وافكاره
انا ياما اشتقت
وياما وياما
وكل الشوق
معذبني
وحنيني ليك مدوبني
ورغم الشوق ده كله
انت مجتش..
ولا حنتش لوجودي
ولا سألت ولا اتكلمت
اوعي تكون فاكر
اني زعلت..
ابدا والله
مابقي فارق
وعادي اما تبعد وتفارق
ما أنا ياما اشتقت
بقلمي. رويدا عبد الحي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب