أمل أمين
هجرك كان صعب
بس اللي أصعب
كان إهانتي
كنت بالنسبه لي حلم
عشت لحظاته الجميلة
رَجَعت لي فيها إبتسامتي
جنب منك كنت طفلة
وأنت أبويا باحكي لك
كل حكاياتي ومصايبي
كبرتني وخلتني جنبك
برضه أنا دايمًا بساندك
كنت بطلي داخل حكايتي
واتفاجات أن البطل
زي بحر موجه عالي
كل همه يادوب غوايتي
هما يومين كنت الأميرة
وكمان يومين لقيتني أسيرة
وبعدهم أيام كتيرة
ضاعت فيهم كرامتي
وغيري كتير من الغدر منك
يبكوا ويتحاكوا عنك
إلا أنا ولا عمري أشكي
واتكسف لو دمعه تنزل
واستخبي لا تشوفني نفسي
حتي بوحي بحزني صعب
كبريائي مالهوش قلب
ووقتها حسيت بجد
إنها كانت نهايتي
وبكل شوقي وإشتياقي
وبكل حبي وكبريائي
هجرتك وسيبتك
وبعد ما معاك انتهيت
بايدك أنت وبسهو منك
فتحت لي الطريق
علشان أبتدي
وأرسم بدايتي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب