أجمل ما فيكي يامصرنا
حضنك ديما بيضمنا.
أي أزمه تعدي عليكي.
تلاقينا نتجمع كلنا.
مصر يابلد الحضارة والشموخ.
يزوروكي الناس من أخر الدنيا
أصل هواكي يرد الروح.
نيلك يروي سكان مصر
اللي في عشة واللي في قصر.
والصحرا هتعمر بايدينا
لأجل نعلي راية مصر.
مصرنا أرض العروبة .
قلبها مفتوح للجميع.
ديما ابوابها مفتوحة
والعادي فيها يضيع.
مصر دي أم الدنيا.
حبها يجري جوه عروقنا.
مهما مرت بيها مصاعب.
حبها ساكن جوه قلوبنا.
مصر يعني أمين شعراوي.
وصل علمه لكل الناس.
مصر يعني أحلي غناوي.
والفلاح في أيديه الفاس.
مصر يعني عامل في المصنع.
والطالب رايح مدرسته.
والفران من بدري بيخبز.
والأزهر بيادي رسالته.
مصر يعني ايناس جوهر.
ضحكتها ترن تقول عجبي.
بسمعها وانا بعمل شغل البيت.
اضحك وانسي همومي وتعبي.
ومدام هاجر سعد الدين.
بتعلمنا امور ديننا.
وأبله فضيله جيل ورا جيل.
لسه بنسمع حواديتها.
مصر دي بلد القنال.
والبورسعيدي ع السمسميه يقول موال.
ومافيش حد عدي عليها الا وقال.
اهي دي مصر أم الدنيا.
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب