ورغم إني كتير مرهق
أوي وزهقان
وطول الوقت مش عارف
كده قرفان
وأحاول أهّدي براحه
كده وأعدي
ألاقي ناس كده تناحه
وتقف ضدي
لكن عادي حياتنا
كلها خوابير
مانيش زعلان
أه وربنا
أكيد دلوقت أنا فرحان
ولا لليأس عندي مكان
مادام ايديكوا في إيديه
وبنسعي بعزيمة قوية
أكيد الدنيا راح تضحك
وكل الخير علينا يبان
ياصاحبي كون هنا جنبي
تكون ضهري وتسندني
وعلمني أنا في الدنيا بتعلم
مليش غيرك يفهمني
ماتسيبنيش كده حيران
وأنا جنبك أكيد
عمري ماهتألم
ده إحنا لبعض مهما كان
وجودك يعني ليا أمان
هتزعل هبقي
أنا زعلان
وتفرح أبقي
ليك فرحان
ما انا شبيهك
وده بيتنا
وجوا قلوبنا احنا لبعض
لينا مكان
وده العنوان هنا بتاعنا
«جوا قلوبنا إحنا لبعض لينا مكان»
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب