كم أنت كداب ومخادع أيها (الورنيش) وكلا من النساء والرجال بيعشقك وكمان بتحتل مكانتك بجدارة من أعلي حته بالجسم عند (الرأس) لغاية اخر حته من تحت عند (الحذاء) فأنت بحق حالك السواد ولكن الجميع بيحبك علشان انت الساحر العجيب وبتعمل تغير وتحول سريع دايما للافضل دائما فتبص تلاقي الراجل والست لما الزمن يعدي علي عمرهم والسن يجري بيهم وشعرهم الابيض يبتدي يظهر،،،علي طول كل واحد فيهم يجري علي الورنيش قصدي (الصبغة) علشان ايه ؟؟ قال يرجع الشعر الإسود من تاني وفاكر بكده هايضحك علي الزمن ويبقي شباب،،،ولما حذاء الراجل والست بيتملي تراب من المشي مافيش برضه غير اللجوء للساحر العجيب،،،،سي (الورنيش) علشان يغير حالة القذارة الي النضافة في غمضة عين،،،،فيالك فعلا من ساحر بحق أيها (الورنيش)،،،،،فعلا (الورنيش) كداب،،،،، بس كدبه أبيض!!،،،،،، ياريت (الورنيش) زي مابيبدل الحاجة الوحشه لحاجة حلوة ياريت إحنا كمان نبدل طبايعنا للاحسن ،،،،،،،اللهم يامبدل القلوب ثبت قلبي علي دينك ،،،،أمين،،أمين،،،يارب العالمين.
More Stories
يوم اليتيم بآداب المنوفية… احتفالية إنسانية بروح العيد ترسم البهجة في قلوب الأطفال
مروة أبوسالم حين تتحول الإنسانية إلى رسالة والإعلام إلى نور يصنع الأمل
التطوع:صناعة البطل الحقيقي