بقلمى :ميرفت أمين
نظرة عينيه لقلبى إحتلال
صوته نغم وأجمل موال
لمسة إيديه فيها راحة بال
آيه ومنبع للجمال
كلمة فراق بينا ….محال
قلبى خضع لغرامه ومال
وحُبه أصبح إحتلال…..
ملكت قلبى بطلتك
وغلبت عندي برقتك
تايهة في حلاوة سِكتك
الله علي حنيتك
شخصيتك ولا في الخيال
ده حب أصبح احتلال…..
تقدر تقول في هواك بدوب
يا أبو قلب دّوب قلبى دُوب
وزع حلاوتك علي القلوب
خلي الفرح يملي الدُروب
أنت الهنا ولا فيك عيوب
وفي عشقى سميتك محتال
وأنا عاشقة أجمل إحتلال……
سلمت عقلى وقلبى خلاص
صورتك بشوفها في كل الناس
معاها بعيش أجمل إحساس
وأنا قلبي قبلك كان مسجون
قافلة عليه بمليون ترباس
دلوقتي أصبح بيك مجنون
أسير هواك عاشق مفتون
بعد ما كان بطل الأبطال
رفع رايته..وسلٍم .ومال
ما أنت حُبك …… إحتلال
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب