لابسه وش
مش وشي
ومحتارة
اكمل والا امشي
بمثل إني فرحانة
وعيني بالدمع مليانة
وخايفة أمشي
وخايفة ابقي انا
اللي قسيت
وانا اللي جنيت
مع إني أنا حبيت
بكل الصدق
من قلبي
ولابسه وش
مش وشي
ونسيت ملامحي
وأنت اللي خنت
عيشي وملحي
وسبتني ومشيت
مبصتيش
علي اللي حطمتها
وبتمثل انه مش أنت
وبتتلون ولا الافعي
وبتدافع عن نفسك
وتكدب وتقول
اني ما اهونش
ولابسه وش
مش وشي
وبحارب
بسيف مكسور
وقلب جريح
وانت عمرك
ماكنت صريح
ولاهتكون
وسهل عليك
إنك تخون
خلاص خلاص
انا قررت
مينفعش ابقي
شمعه تنور لك
وانت تطفيني
ولا ابقي لك
ضحكه
وأنت تبكيني
وليه أعيش
أنا بوشين
وانسي ملامح
وشي
خلاص قررت
أنا هامشي
رويدا عبد الحي محمد
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب