خد واجبك
وأتفضل قوم
والله تاعب نفسك
ده وجودك
مالهوش أي لزوم…
هي كلماتك بتعيدها
وتفكر إني هصدقها
وتطلع مظلوم؟….
كدبة جديدة و هتقولها
وتلف الحدوتة عليا
وألاقينى عليا اللوم..
توعدني وتترجي أسامحك
كفاياك تمثيل أنا ياما
لوعودك صدقت………
لا..
أنست وشرفت…….
عامل فيها طبعك هادي
بتقولي إسمعى
وياريت ماسمعت
أدام الناس كده تجرحني
وبيني وبينك
بتقول معلش
أصلي أتعصبت..
مش غيرة حب
لأ …..دي إهانة
وأنا من وهم غرامك
فوقت
لو كده كملت العمر معاك
أبقي أتجننت……
بجد
أنست وشرفت
سيبتك تيجى
وتأسي عليه
وأنت في إحساسي
مايوم فكرت…
أراضيك وأخاف
تبعد عني
ليه مش فاهم
إني كده تعبت …
كل ما تزعل
كنت أصالحك
وأقول ده خلاص
أنت اتغيرت….
لأ ده أنت
أنست وشرفت
المرة دي
مش راح أصدق
أنا قلبى وإحساسي
الأصدق
أنا كده أيامي
بتحلي لي
وقت ماسيبتك
وبعدت….
مش طالبة
أهات ومرار و عذاب
ولا طالبة دموع
وهموم وعتاب
خلصت خلاص
زي ما أنا خِلصت
خِلصنا و
أنست وشرفت
بقلمي ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب