ليه الموت اللي بيجمع مش الفرح!
ليه الموت هو اللي بيصالح ويراضي ويجمع؟!
سؤال غريب من فترة بيدور جوايا.
لو فكرنا شوية
هنلاقي ان الإجابة مرعبة
الموت يعني فراق بلا عودة.
يعني اشتياق بلا لقاء.
يعني ندم على كل ثانية مرت في حياتنا بلا لقاء وابتسامة.
الموت بيجمع خوف من الفراق اللي مفيهوش رجوع زي الخصام.
الموت بيجمع لأنه واقع وفجأه مبيديش إنذار.
كل مرة حد بيموت بنتفاجئ على بنخاف على شوية أحاسيس غريبة عكس بعض
لكن الإحساس ده للأسف مؤقت أول مشكلة تحصل بعد فترة من موت اللي بنحبهم نرجع تااااني نتخاصم ونفترق ونستنى موت عزيز او غالي علشان نرجع نقرب، وتفضل الدايرة تلف لغاية مانلاقي نفسنا احنا هنموت واحنا لسه مشبعناش من بعض.
مش هنعرف قيمة بعض الا لما الموت يخبط على الباب، بس للأسف لما بييجي بياخد اللي عايزة من غير استئذان
من غير فرصة.
ارجوكم ارجعوا اصحوا سامحوا قبل ماتصحوا متلاقوش بعض….
عرفتوا بأه ليه الموت اللي بيجمع مش الفرح!!!!!
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب