ما تيجوا نغير القلم
ونشوف لِلـ بهجه مكان
يمكن تصيبنا ضحكه عابره
أو سعاده من الجيران
واللي هتعلقلي اهي
بتقرا وبتضحك كمان
بحب ياناس من الحروف الوان
حزن وشجن وكلمه حلوه
أعزف عليها أنا الألحان
بحب الشمس
وبكتب في الشروق مواويل
وفي القمر وكماله
وأكتماله كمان موال
بحب أهلي واصحابي
والناس الطيبه الجدعان
وبحب عيوني وضحكتي
أصلها تتحب كمان
واحب النور في كل مكان
واحب الحب والعاشقين
مع اني في الحب مليش مكان
بس حروفي فيه الوااااان
وأَتغزل في العيون الحلوه
واكتب فيها احلا الكلام
في حسنها وسحرها بكتب
أنا 200 موال
أكتب غزل
وانقش أمل علىٰ حيطان وحيد حزنان
واقوله قوم شد الهمم
ده بكره جاي سعيد فرحان
وإيه يساوي جنب نظرة حب حلوه
من عيون عاشق هيمان
بكتب وبكتب وبحب من الدنيا الجمال
جمال في كلمه
جمال في بسمه
جمال في همسه
ودعوه حلوه من الأحباب
هفضل عايشه بـ حروفي
وفـ ايدي قلمي وفـ قلبي كمان
اكتب وأعزف أنا وياه
حتىٰ يوقفنا الزمان
شيفاك ياللى واقف هناك
وهتعلق علي كلامي كلام
هتقول غرور قلم مكسور
عالي وعامل فيها غالي
هقول لا غرور ولا مكسور
ولا عالي ولاهو غالي
ده حتة قلم يدوب علىٰ قدُه
بسيط والفرح مش قدُه
بيكتب بس اللي بيحسهُ
ولا بـ يزيف ويتعالى
ولا يكدب ويتغالىٰ
More Stories
شيف ليبية نجوي المجبري تتوج بالمركز الأول في مسابقة الصندوق المغلق وتحقق المركز الثاني ضمن منافسات الفريق الليبي
هاني شكري عزيز يراهن على الشراكة المصرية الأوروبية لدعم الاستثمار