بقلم سلمى المواردى
كان قلبي راضي
بـ كل ما فيك
حلاك وقساك
ويخاف من نفسه عليك
بس أنت اللي
ـــــــ محبتنيش ـــــــ
دورت لقلبي كتير علىٰ غلطه
تخليك تقسى كده عليه
ملقتيش غير إنك كرهني
أو إنك فـ الأصل
ـــــــ محبتنيش ـــــــ
غلطه تخليك تحارب فيه
توجعه وتعاقبه
ولا تسأل عليه
تستنىٰ فرصه علشان تشوف
دمعة عنيه
وفـ وسط العتمه تملي بتسيب إيديه
ملقتشِ غير إنك
ــــــ محبتنيش ــــــ
كان عايش بس علشانك
بـ رضاك وبسمه شفايفك مكتفي
بـ وجوده بس ما بين إيديك
وإيه ذنبه قولي وعملك إيه
كان ليه عذابك وألمك فيه
غير بس إنك
ـــــ محبتنيش ـــــ
حبيت قربي منك وحبي
حبيت كلامي عليك وهَناك
شوقي لعنيك وعشقي ليك
لكن أنا
ـــــ محبتنيش ـــــ
أعترف بـ القوه لقلبك
وإني مسكنتش أبداً فيه
كان نفسي أشوف لو حتىٰ
غِيرتك
طب هتغِير عليا ليه
وأنت فـ الأصل
ــــــ محبتنيش ــــــ
هلومك ليه
وأعاتبك ليه
ولو حاببني هتجرحني ليه
ده الرضا بعد العتاب
شفقه وطبطبه م الأحباب
وأنا قلبي مش عايز عتاب
هو بس صعبان عليه
ومش عارف كان غلطُه إيه
غير إنك كرهتُهُ بكل ما فيه
أو فـ الأصل
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب