قالت ميرفت…
واحشني يا الاصحاب
وبقلمي أناديكم
تعالوا شوفوا حكايتي
ربي يخليكم
قالوا الهوي غلاب
وقولت مين يقدر يغلبني
صديت جميع الأبواب
ودعيت يارب تبعدني
أشوف جراح الأحباب
وأخاف الحب يتعبني
وفي يوم بدون أسباب
طل القمر شافنى
خبط ..فتحت الباب
وبرمشه حيرني
لو عني سابني وغاب
حبه يعذبني
غلاب ياهوي غلاب
وعرفت تغلبني
عينه ضياء الليل
والخد حلو جميل
والواد ياقلبي تقيل
وبتُقله جنني
لو قال كلام بهواه
وسكوته مش بنساه
زود بقلبي ال آه
ليه منه يحرمني
وأستني منه جواب
والصبر دوبني
غلاب ياهوى غلاب
وعرفت تغلبني
ميرفت أمين
وقالت أمل …
قلبي يا طفل صغير
بريء و لسه أخضر
ومهما عدي العمر
عمري يا ناس ما اكبر
فارد جناحي بطير
وفجأة لقيتني أسير
والعشق ماله كبير
فارسنا أصله أمير
قصصه ولا الأساطير
وقع في حبه كتير
وعلي قلبه مافي تأثير
أول ماشافني وبلا تفسير
قالي كده وبلهجة التحذير
بلاش تهواني لحسن هوايا عسير
قولت له أمرك وده أمر أصله يسير
صِبحت عاشقه ودايبة بكل ضمير
قالي وأنا زيك وربي بيا خبير
يقولي عاشق وفجآة آلاقي تغيير
ويوماتي تايهة مانابني غير تفكير
وأدي الهوي وأحواله
بعد ما كنا أسياد
صبحت قلوبنا عبيد
ولا شايفه رحمة
ولا طالت بعد أسرها تحرير
أمل امين
أنا وأختي
بقلم ميرفت أمين الخولي
أمل أمين الخولي
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب