علىٰ غفله من رحلة نسيانك
لقيت قلبي زعلان حزين
كان فاكر انه اقوىٰ
كده من اي ذكرىٰ
كان فاكر هيعدي بكره
مالك ياقلبي محتار مخبي
دموع حنينك جوه الوتين
و رَد قلبي والدمع غطىٰ
جرح الليالي وحزن السنين
وحشني ياما وحشني كتير
مكنتش اقصد انا يوم ما سيبتك
أني احرم قلبي ضيك
كل حاجه حلوه حبيبي
فـ دنيتي مكنتش زيك
وحشت عيوني عمري وكياني
وحشت حبيبي كمان احلامي
حتىٰ النجوم السهرانين
كل الاماكن كل الحاجات
وحشت حتىٰ الذكريات
صعبه الأيام كده من غيرك
كان نفسي بس فـ وجودك
ياحب العمر مليش غيرك
واستكترتك عليا سنيني
وقطفت وردك من عيني
عيونك حبيبي قتلوني
من البدايه قربوني
كانوا اجمل حاجه
ف عيوني كانوا
بهجتي كانوا فرحتي
كانوا كل عوضي من دنيتي
وفـ النهايه بعدوني
خليك بعيد
ياحب العمر خليك سعيد
إنساني وانسىٰ حبي الكبير
ومهما انا حسيت بوحشتي
واشتقت جنبك لـ فرحتي
بـ وجود عنيك فـ دنيتي
خليك بعيد إنساني وداوي
عيونك من ظلمت حبي وايامي
إنساني وخطي علىٰ قلبي
فداك حبيبي مانا كل همي
تكون سعيد كده ومتهني
وعيونك حبيبتي تكون جميله
وعن عيوني متشيلش همي
اتعودت انا ع الأحزان
طول عمري عايشه فـ الحرمان
وهتعدي ايامي الصعبه
بس انت حبيبي تكون فـ أمان
وأنا هتونسني كده الذكرىٰ
وهتهون علىٰ قلبي بكره
بس اللي وجعني قوي انهارده
إنك حبيبي وحشتني
وحشتني
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب