حبك عذاب
قايد في قلبي
في البعاد
بركان ونار …
حبك هلاك
في القرب منك
ظنون وغيرة
أو خناق من غير سبب
حبك دمار …
كل شيء بينا
غريب ومختلف
تاعبني فعلاً
رغم إنه ..
يبان كأني
حته منه ..
وما أقدر بجد
أستغنى عنه ..
لكن جراحي وقهرتي
ماتكونش غير برضه بسببه
كله منه
ولا هو داري
ملاك كأنه …
قلبك حجر قاسي عليا
ليه كده ؟
علشان صراحتي؟
ولا عشان وياك بكون
دايماً طبيعتي وواخده راحتي ؟
حتى إن غلطت
فهمني غلطي !
لومني وماله
كلمني واعتب
ليه تخاصم أو تبيع
وتحرمني من عطفك عليا ؟…
يصعب عليا إن قلبي
منك أنت
يشيل يخبي
وفي عينيه
دمعي منك مستخبي
وأنت أهلي وكل ناسي
ودنيتي وكل اللي ليا …
خايفه منك ..تبعدني عنك
وأبعد بعيد ولا كأني ولا كأنك
وأسيب هواك ودنيتك
وكل اللي منك
يا حته مني
ياعين ونيني
يا ابن قلبي وكل عمري
ليه غصب عني
خليتني أشيل
وأزعل أويي جوايا منك
وعمرك ما يوم هونت عليا …
زعلانه منك …
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب