حبي ليك
له شكل تاني
طبع تاني
له حتى إحساس مختلف
حب عمره ماكان أناني
حتى لو جوايا أعاني
لازم أظهر للوجود زي الألف …
حبي لك معناه
أعلى وأسمى من كل المعاني
حبي غنوة
لحنها يفرقها عن كل الأغاني …
حبي نعمة ليك وليا
القدر أهداني بيك
وأهدى قلبي
وحبي …ليك
هو ده عطف الزمان
و لقلوبنا كان أكبر هدية …
كل ما ألمح طيفك أبكي
كل ما أنطق اسمك أبكي
ومن كل قلبي أصلي وأدعي
ربي يحفظ عمره ليا
أنت عندي
كل معنى للسعادة
وإن غبت عني
دنيايا تتشقلب
ويبقى لونها وطعمها
ماسخ و سادة
ياللي حبك زي وِرد
بعد الصلاة وبعد العبادة …
آنت جيت لي
لاجل أنطق
بعد عمر من السكات
والنهاردة لساني قالها
بأعلى صوته وفي ثبات
بحبك أنت … أيوه أنت
كلمة وحق وهو إيه
غير كلمة الحق
تكون أكبر شهادة
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب