خليك شفاف
ولا تظهر للمخاليق أبداً
عيش في الظلمة
زي الخفافيش
أتأقلم عيش
وأخرج للدنيا في عز الليل
واتمطع وافرد لك كام ريش
بس اوعى في يوم تخرج للنور
ترجع مكسور
هيجرّحوا فيك
وتبات مقهور
أو ينحروا فيك
تصبح باهت بضمير مبتور …
اوعاك والشمس
تكشف روحك للناس على حق
وبسرعة تبان والعيب يتشاف
خليك مداري
ادفن جواك كل الأحلام
قبل ما تكبر اوئدها أوام
صدقني ده طيش
وغبار أوهام
ولو عدا وطبطب على كتفك
منهم مخلوق
اوعاك تفرح وفي لحظة تروق
خليك فاكر ده بجد خاذوق
هيعوزك عبد وهو السِيد
مع إن البيه عمره ما كان أصلي
على أد الإيد و كمان تقليد
لكن لو ترفض
هيعيب ويلطش فيك ده أكيد
والدنيا في وشك تضرب بوذ
وفى عز ربيعك تبقى عجوز
والعالم كله يلف عليك
يتسلوا ويشتروا ويبيعوا فيك
ييجي خريفك
يصبح لنهارهم أكبر عيد
طب ليه تحلم
وتصبح تندم
وليه أصلا وشك يتشاف
ومن ظلم الناس تِدارى وتخاف
ألبس على وشك ألف قناع
خليك مخفي
خليك شفاف
أمل أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب