عارف في غيابك
بلقى العالم كله سراب
وبتِقفل دنيايا في وشي
مليون باب
وبحسني تايه تعبان
وبكون خايف
عارف
تملا دماغي كتير أفكار
وحولين نفسي
بلف وأدور وأدوخ وأحتار
وألاقيني عميت
مابقيت شايف
عارف
جوايا يقين
مع شوق وحنين
إنك عمرك ماهتنساني
رغم يقيني ساعات يخذلني
وقلبي بضعفه ده مجنني
لكن طِيبتك أنت وقلبك
بتثبتني وتخليني
لهواك عاكف
عارف
لا لساك برضك مش عارف
إن وجودك معناه وجودي
وان حدودك هي حدودي
واللي تحب تشوفه عيونك
دايماً شايفه نور لعيوني
خليك فاكر
خليك فاهم
خليك عارف
مهما يطول العمر يا عمري
عمر ما حبي ده هيتقدر
ولا يوم أبداً أبداً . . . أبداً
هتكون عارف
أمل أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب