درويشةع_الربابة
صبية عشقت جدع
دابت يابوي في عِنيه
ضربت عشانه الودع
قال بحر وهتغرق فيه
لا هي قد العوم
ولا قد سحر عِنيه
لفت عشانه الكون
علشان تدوس اراضيه
ولما وصلتله
قالولها هجر ..دا قلبه حجر
كان مالك أنتِ بيه
قالت عشقته بكل ما فيه
هناه وقساه
لياليه وحكاويه
لفت عليه وسألت
ومين راح يدل عليه ؟!
شافوها صحاب الجدع
قالوا حورية وعيونها عسلية
م السما نازلة
شمس وعلينا معدية
شاورت وسألت وقالت
حبيبي ياناس ومين ياخدني ليه؟؟سألوها منين ياجنية ؟؟؟
معقول دي بشرية ؟؟؟؟؟
سحرت قلوبهم
بـ طلتها البهية
وايه ذنبها العيون عسلية ؟؟؟
وماحد جبر خاطر الصبية
راحوا لحالهم
بس واحد منهم
عشق الصبية
خطفت قلبه عيونها العسليه
قالوا له لا
دي حبيبة صاحب لينا
والصاحب أخ
وتبق دي اخت ودين في رقابينا
خاف الصاحب وقال
ياهو دا انا قلبي مال
ومين يقدر يابوي ع الهوا
والله ماكان عشقها ع البال
ده أنا شفت جمال وجمال
ولا قلبي كان شغال
وعدت أم الخال
اللي جمالها حكاية
بعيون تقول موال
لكن دا صاحبي غالي
واغلى منها على قلبي
هنساها واسيبها
وانسى كمان طيفها
دا اخويا وصاحبي
وحبيبتة يعني أختي
وبعيوني راح أصونها
ربابة سلمى المواردى
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب