متابعة/ إيڤيلين موريس
عشان نطبخ صح لازم نعرف الفرق بين البصل الأحمر والبصل الأبيض (البصل الحلو)
كتير بنستخدم البصل فى وصفات ونلاقى إنه مش بيدينا النتيجة اللى كنا متوقعينها بالظبط، وده بيكون بسبب إننا بنستخدم نوع بصل غير مناسب للوصفة نفسها، فحبيت إننا نقول معلومتين على الماشي كده عن أشهر نوعين للبصل الموجود عندنا في مصر
أولاً من ناحية الإستخدامات المطبخية …
البصل الأحمر مناسب لكل الأكلات الفريش اللى مش مطهيه يعنى تحطه على طبق تونا تاكله جنب طبق فول تقطعه على أى نوع سلطه تحطه جوه سندوتشات وهكذا، وده لانه مش نفاذ اوى وطعمه مسكر ومقبول، كمان لأنه مش بيدى نتيجة كويسه فى عمليات الطهى بالحرارة لانه مش بيمتص المادة الدهنية بكفاءة ويظل محتفظ بقوامه وشكلة فترة طويلة على ما يبتدى يستجيب للحرارة.
البصل الأبيض على العكس تماماً .. ده بقى بتاع الطبخ والتقلية والطشة كلها وكمان الكشرى واى طبق بيحتاج بصل مكرمل وكل الوصفات الساخنه عموماً، ولو جربته فريش هتلاقي طعمه حاد ونفاذ جدا ومش مستصاغ.
ملحوظة : أنواع البصل فى دول الخليج أغلبها مستوردة من الهند خاصة البصل الأحمر ، البوست بيتكلم عن ((البصل المصرى )) وفى إختلاف كبير فى الطعم والأنواع ، فاللى عايش فى دولة خليجية غالباً هيلاحظ العكس.
ثانياً الفرق بينهم من الناحية الصحية
يعمل البصل الأحمر على خفض كمية الكوليسترول في الدم، كما يمنع تجلط الدم وتصلب الشرايين، ويساهم في منع تكون الخلاياالسرطانية، ويدعم جهاز المناعة.
أما البصل الأبيض فيعتبر مطهرا مهما للفم من البكتيريا والجراثيم، كما يعالج مشكلات الجهاز التنفسي، مثل إلتهابات الرئتين والأنف والحلق وكذلك القصبة الهوائية.
دمتم فى أتم صحة وأفضل حال.
More Stories
رابطة المرأة الفلسطينية تنظم البازار السنوي “تراثنا يجمعنا” بمشاركة خمسين عارضا من مصر وفلسطين والسودان*
نسرين رمزى فى ضيافة زينة طعم البيوت للحديث عن المشاركة الايجابية للانتخابات البرلمانية
الأكاديمية المصرية بروما تطلق “المسلات المصرية.. في روما”