بتبيعني ليه
ليه تبيعني ؟؟
وقلبي باع الكون عشانك
واشتراك
كنت حلمي وكل أملي
راضيه بيك
وبصون هواك
عايشه في ضلك
بتحامى فيك
وبتنفس هواك
وانت بايع
ساكت وسامع
ومن حنانك
كنت دايماً ليه ممانع
حيرتني وتعبتني
وانا افتكرتك صُحبتي
وحِليت ليّ أيامي معاك
وخلاص بقيت لي دنيتي
كنت زي الطير
ارفرف
وانت عندي غيتي
ولما اسافر
كان طريقك
هو دايماً وِجهتي
حتى أما بفرح
اجي لحدك
لاجل تكمل فرحتي
ووقت حزني
في قلب حضنك
انسى ألمي ووحدتي
ليه النهارده
بايدك انت تكون نهايتي؟
ويكون هواني وكسرتي
بتبيعني ليه ؟

More Stories
مذكرات شخصية قصة قصيرة /لطيفة محمد حسيب القاضي
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب