الصورة دي كانت زمان
تجمعني أنا وصاحبي سوا
هو وأنا في نفس المكان
ولا عمره يفرِقنا الهوا
لو كنت يوم مره عليل
كان هو دايماَ لي الدوا
لو مرة شوفته بينحني
بسنده قبل الهوى
لو كان في حِمل تقيل عليه
نقسمه مع بعضنا
طول عمري ليه كنت الأصيل
ولا عمري خونت عهدنا
بعلي فيه وبعززه
ولا أرضى أبداً ذٌلنا
يا صاحبي ليه ؟
ليه النهارده عليك أهون؟؟
للعشرة بينّا ليه تخون ؟؟
ليه هتمشي وتسيبني وحدي
والأرض دي من يومها
كان مكتوب عليها اسمنا؟؟
شايفك بايعني
وأنا اللي شاري
بجري عليك
عالشوك وحافي
وقلبك أنت
قاسي وجافي
ماعادش ليه في قلبك حنان
ورديت لي ذٌلي والهوان
خرجتني من الصورة ليه؟؟
وبعدت عني في المكان؟؟
ليه يا صاحبي تهدني؟؟
وأنا ليك دايماً مِسلم
ولاجل خاطرك بانحني؟؟
كسرتني و ظلمتني
وأنا باقي على عهد زمان
شايف يا صاحبي :
الصورة بهتانه
من غيري شمتانه
رافضاك لوحدك لو تحس
وجودي جنبك يكفيها بس
قلبك ده ماله وايه جرى له
وقلبي أنا …ليه ليك وبيك
دايماً يحن وكله بؤس
ليه تبان في الصورة وحدك
كات والله شايلانا
حرمتني ان ابقى جنبك
يا صاحبي ليه .. ليه؟؟
الله يسامحك
أمل_أمين
More Stories
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب
قدر .. بقلم ولاء شهاب