الفرخة المشوية.. بقلم خالد كامل

بعد طول الأيام وسهر الليالي

قفشت النهاردة فلوس …. المهية.

* وفضلت اعد النقدية جنية جنية

حتي العشرات الجديدة…… البلاستيكية.

*قولت ياواد يالا بقي دلع كرشك واملي بطنك…………….المهوية.

*وجريت علي وسط البلد ودخلت مطعم من بتاع الناس اللي….. هية.

*لقيته نضيف وريحته حلوة بريحة التوابل……. الهندية.

*واول ماقعدت قرب مني المتر و سألني……. بحنية.

*تحب تاكل ايه يابيه ياابو عيون…. عسلية.

*فرحت قوي بكلامه الحلو ابو دم خفيف…… النية.

*رديت عليه وقولتله فين المنيو بتاع الاكلات ……… الشرقية.

*قوام جري جبهولي وكان مليان اكلات……. متنأية.

*راحت علي طول عيني واقعة علي الفراخ……. المشوية.

*اخترت فرخة بحالها مشوية ووصيته يجبلي معاها……تومية.

*رد عليا بإبتسامة وقالي بعد الاكل

تحب تحلي……. بمهلبية.

*اكلت الفرخة كلها بعضمها وماسيبتش فيها فتفوته زي مااكون……. ……. شفطها.

*وخرجت من المطعم شبعان وبطني منفوخة زي القنبلة… الهيدروجينية

*وكنت مبسوط وفرحتي واصلة للسما بأكلتي الهنية اللي فكرتني باكل…………الطبلية.

*بس ياميت خسارة نسيت اني اكلت بمنتهي…….الغشومية.

*والدايت باظ اللي كنت محافظ عليه اكتر من سنة…… وشوية.

*وخشونة ركبتي زادت علشان اكلت زي الفصيلة….. الحيوانية.

*ربنا يسامحك ياايتها الفرخة……. المشوية.

*يااللي كنتي السبب في كل مشاكلي……………… الصحية.

Post Views: 51

Tags: الحياة نيوز خالد كامل