كتب عمر أحمد عبد العزيز
اخيرا بقينا لبعض
حققنا اخيرا الوعد
تعبنا والله كتير
تعبنا من السهر و من الحكايات ومن التفكير
تعبنا من الشوق و الانتظار
تعبنا من طول الطريق
بس اخيرا بقينا لبعض
من النهاردة مفيش بعد
مفيش اني في بيت وانك في بيت
مفيش مقابلة تاني بينا بمواعيد
لا هتقوليلي بابا بيزعق
ولا ماما بتسعجلني
راح الزمن ده وولى
ومن النهارة خلاص أنا وأنتي يا حلوة في موالنا
من النهاردة دنيا جديدة على مقاسنا
دنيا بس أنا وأنتي أساسها
هصحى وانام على عيونك
وهتصحي وتنامي على عيوني
هنقعد نحكي مع بعض بالساعات
ده راح ودي قالت وده فات
هنخرج هنسافر هنتطير
هنحب بعض جدا بضمير
ولو اختلفنا في يوم هنتناقش هنتكلم
مش هنخلي قلوبنا أبدا مننا تتألم
أنا كان حلم عمري هو أنتي
وادينا اخيرا بقينا لبعض
اخيرا شفتك بتطلي عليا بالفستان الابيض
ملاك وحور عين مش انسية
جميلة جذابة أزلية
لو حكيت عنك هحتاج عمر على عمري
ويمكن ميكفيش ويبقى شوية
ربك أصله عالم بيا وبحالي
فمن فضله وكرمه وهبك ليا
وعالم كمان بيكي
فاختارلك قلب يراعيكي و يديكي
وأنا بوعدك نصبح حبايب للمشيب
مهما كبرنا وكرمشنا الحب عمره أبدا بينا ما يغيب
وأقولك دلوقتي حاجة مهمة
اخيرا بقينا لبعض
More Stories
قصة قصيرة…
تميزتِ في هذه المرحلة وبتقديم بورتريهات إنسانية فريدة تجمع بين الأحياء وأحبائهم الذين رحلوا عن عالمنا
التسمم الغذائي وترندات التنحيف السريعة…تحذيرات ونصائح من خبيرة التغذية جويس أبو عني!