اللي ياما دارينا
عنهم دموع عنينا
عشان يناموا مرتاحين
اللي ياما عشان عيونهم
شيلنا عنهم هم السنين
واللي مسكت إيدنا إيدهم
خطينا بيهم بر الأمان
علشان يعيشوا منصورين
لما نسمع يوم آهاتهم
ينصهر القلب عليهم
زي الشموع
اللي نفسنا تكون حياتهم
مفهاش لاحزن ولا دموع
اللي مشينا سكة عشانهم
اشواك ونار مفهاش رجوع
هاين عليهم قلبنا
ليه يتقهر
ويعيش حزين
اللي كانوا بين إيدينا ضعاف
وإحنا قوناهم
واللي وقت ما إحتاجونا
لاقونا في ضهرهم
واقفين معاهم
وانهارده بيبعونا
ودورا عنا وشهم
باصين وراهم
اللي كل مايكبروا
بيقدروا بسهوله
يعلي صوتهم علينا
واللي عنا اتغيروا
واتبدلوا أدام عنينا
عرفوا قولبنا
الوجع ليه والأنين
هو الزمن غدار وأسي
ولا القلوب صبحت جماد
هو ليه الكل أسي
ناسي غيره وهمه
نفسه والعناد
واللي أقرب ناس لقلبك
اتعلموا فن البعاد
عايشين معانا وفي قلوبنا
أما احنا ليهم منسين
بقلمى // ميرفت أمين
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب