خواطر أغاني الأسواني
الشريف_أحمدعبدالدايم
يستاهل قلبي اداك وضعك
وعملك شان
ماهر ونجحت في تجربحه
وصابه النشان
غلطان تبعت في يوم شوقي
عالشوك مشان
عشمان روحت اشرب من بحرك
واهو جيت عطشان
….*….*
كنت بتحكيلي عن الحيرة
وعن الاشواق
وانا غلطان علشان صدقتك
وبدأت اشتاق
واول ما كسبت وضميتني ضمن العشاق
تشوفني بتتهرب مني
وبتتلاشان
….*….*
قلبي اللي اتلطم علشانك
وشبع إحراج
من غير شوشرة يالا امضيله
حالا إفراج
استاذ في التمثيل ومعلم بقى في الإخراج
حريف وكلامك مترتب
جدآ غشاش
….*….*
قالولي إن البعد غنيمة
واكبر إنجاز
هبعد ولا اخليها حياتي
طلاسم والغاز
…*…*
تلميذ في الغدر لكن غدرك
عدى الاستاذ
ابصملك بالعشرة وامضي
تاخد نيشان
يستاهل قلبي
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب