الحب مش هِتاف
للحادي والمنادي
الحب إنه يكون
كل شيء مش عادي
” أيوه طماع يابلدي”
طماع اشوفك عروسة
بحروف أسمى منقوشة
واكون ديماََ أنا الغالي
“أيوه طماع يا بلدي”
بحبك ديماََ بصوت عالي
والبُعد عمره ما يحلالي
أزعل منك أروح ليكي
وعمرى فى يوم ما عاديكي
” أيوه طماع يا بلدي”
عايزك ديماََ تشيلي همي
وتطبطبي و عليه تحني
أنا دمى هو دمك
وعمرى ما هقل منك
أزاى وأنتى الأميرة
وف كل مكان كبيرة
” أيوه طماع يا بلدي”
عايز أتباهى بيكي
وروحى وعمرى اهديكي
أشوفك أقوى وجميلة
وتكونى صاحبه وخليلة
وتحمي ولادك يا أصيلة
” ايوه طماع يابلدي “
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب