خواطر أغاني الأسواني
الشريف_أحمدعبدالدايم
طفلك لسة رضيع
عمره يادوب أسابيع
مسكين في موقف فظيع
ملقي في ظلام
الله يجازي اللي جابك
ما في رحمة معاكِ
دا حتى إسمه ضناكِ
ولو هو بن حرام
تحبي وقلبك نشيط
بتموتي في التظبيط
إيه ذنبه يكون لقيط
وتعايره الأيام
ولا عندك عدالة
وفي راسك غزالة
بترميه في الزبالة
دا إسمه كلام ؟؟
انت غواك الشيطان
لا رحمة ولا حنان
ورخص الشرف وهان
واتبعتِ الغرام
بكيّت العيون
واتبعتِ الدّون
وضناكِ بيهون
جايباه بالحرام
بدل ما تحميه
وتشوفي حل مع أبيه
أهو ضناك بترميه
عليك آه ياسلام
حاجة ولا فيها مجاملة
دا جزاء البنت الهاملة
كمان اللي عمل العاملة
بتاع بُرشـام
الله يجازي اللي جابِك
الشريف_أحمدعبدالدايم
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب