يونيو 21, 2024

جريدة الحياة نيوز

رئيس مجلس الادارة : نسرين رمزي

مراعاة المشاعر والكلمة الحلوة يا جماعة الله يحلي أيامكم

محمود عبد العزيز

لو ابنك بيذاكر متقولوش منتاش نافع ” اعمله القهوة بأيدك وقوله أنا معتمد علي الله ثم عليك وكُل اللي يجيبه ربنا كويس ..
الحُب عامل زي السبرتو .. لابد تحافظ عليه بأنك تغلفه ” بالاهتمام ” بدل ما يطير منك .. النبي صل الله عليه وسلم قال أن الكلمة الطيبة بتتحسبلك صدقة وربنا سبحانه وتعالى بيقول ” وقولوا للناس حُسنًا ” ! ..
امدح فـي لبس أصحابك وأذواقهم أبعتلهم رسالة دلوقت مضمونها كلمتين ” أنا بحبك ” ! ..
الكلمة الحلوة بتلزق فـي القلب زي طابع البريد ..
راعوا المشاعر وقدروا ..
تصرفات بنشوفها تافهة جدًا إلا انها بتفرق عند غيرنا ومبتتنسيش ..
الواحد لو حب وأتحب بيحلو ووشه بيفتح زي الوردايه..

إديسون مخترع المُصباح الكهربي .. أترفد من مدرسته والحجة أنه طفل غبي ” كتبوا جواب لامه يقوللها أبنك غبي جدًا وزمايله هيتعلموا الغباء منه و فصلوه .. أديسون أمه بدأت تمنعه من المرواح للمدرسة .. سألها عن السبب ؟! قالتله لأنك أذكي من جميع زمايلك ومنتاش محتاج لمدرسة .. أنت عظيم .. إديسون بيقول أنا صدقت كلام أمي وأني ذكي وعظيم .. كانوا شايفين أن عقله مظُلم مينفعش للتعليم .. لكن بكلام أمه الحلو ومراعاة مشاعره .. نور العالم بإختراعه !

سيدنا عكرمه بن أبي جهل .. أبوه ” أبو جهل ” من أكتر الناس اللي كانوا بيكرهوا الإسلام .. لما سيدنا عكرمه أسلم .. النبي نهي الصحابة انهم يجيبوا سيرة أبو جهل بأي سوء قدام سيدنا عِكرمه .. وقالهم أن الشتيمه هتوجع أبنه ومشاعره .. ومُش هتوصل لأبو جهل !! ..
فـ حافظوا علي ألفاظكم !!
محمود_عبد_العزيز