أبريل 15, 2024

جريدة الحياة نيوز

رئيس مجلس الادارة : نسرين رمزي

رسائل ابن حلال

محمود عبد العزيز

كل حاجة بتحصل في حياتنا وليها غرض، وأكيد الحلم اللي خسرته أو الشغلانة أو الحُب .. أو أي خطوه كان نفسك تاخدها و ماشي فيها، ومحصلش نتيجه إيجابيه معاك .. كان سببها إنها مكانتش عل مقاسك ومُش ليقالك .. 

ربنا بيليَّق الحلم، الحُب، النجاح .. في الاتجاه اللي إنت هتأدي فيه، و مظبوط عليك .. سواء بقي ” دراسي .. بحثي .. عملي .. قلبي .. أُسري .. ” ويجعل الإتجاه ده توبك وكارَك، فيمكن الدعوات اللي متحققتش خير .. المادة اللي تقديرك مضروب فيها خير .. العلاقه اللي مكملتش حصل ده لانها مُش شبهك وهتندم لو كملت فيها .. 


كل شيء ربنا خلقه بحكمه .. وبيحصل ده لأننا نظرتنا للأمور ضيقة وخالية من الخبرة فمنعرفش السبب دلوقت لكن بمرور الأيام وتغيير الظروف هنعرف حكمته، وعلشان كده ربنا خلق العوض بحيث يراضيك بأحسن من اللي خسرته ويجعلك تلاقي حاجات أنضف وأغلي من اللي ضاعت منك


وتقول بكل طمأنينه فعلاً ” ربنا عوضني ”
وتعرف إنه مغلطش اللي قال : الخيره فيما إختاره الله
ابن حلال