حقوق الرعيه ميزان
لافيها زيادة ولا نقصان
حق واجب تحقيقه
فى كل زمان ومكان
الكلام دا مش كلامى
فوق وصحصح ياإنسان
الحرب النهارده على عقلك
وعايزنا نعيش عميان
لما الحق أصبح باطل
وغلبنا بسهولة شيطان
وفجر الفقر لو حل
مفيش حد كسبان
ياحتان البلد فوقوا
التمادى ف الظلم بهتان
والحساب وقت الحساب
لا زيادة .. ولا نقصان
وطالب الحق مش خاين
وحاجب الحق خسران
الناس دبلت عدانهم
وشاربين المر ألوان
وسيف الموت لا بيستأذن
ولا بيفرق بين غنى وغلبان
ودعوة م القلب توبوا
وخالق الكون رحمان
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب