مش هننكر
إننا ياما اتعالينا
وكتير أوي
حطينا عليكي وافترينا
عبيتي منا
ف قلب منك
وشايله بلاوينا وهمك
و النهارده
ده وقت غضبك
بستحلفك يا أرض
كوني حنينه
خلي براحك
حضن دافي
زي ضمه هوينه
كفايانا عدا العمر
تايهينه عليكي
ودموعنا تشهد
ياما سالت بين ايديكي
لو همنا حِمله تِقل
استحملينا
لاجل خاطر النبي
وحياة عنيكي
ورب الكون ياغاليه
مصيره برضه
هيراضيكي
بصي لقلوبنا
اللي دابت من الأسى
من نفوس جاحده قويه
ماتعرفش غير بس الجفا
استكتروا علينا حتى نودهم
زهدوا حضورنا
واللي ياما عملناهولهم اتنسى
لو خلاص آن الأوان
وجيه ميعادي
وهتاوى فيكي
ما انا برضه منك
وراجعه ليكي
يا أرض ربي
بحق ربي
كوني عليا حنينه
و ضميني ليكي
بس ضمه هوينه
More Stories
مكتب دعم وتمكين المرأة يعتمد ورشة عمل حول الأمن التربوي ودور المرأة في بناء الأسرة
شفاء.. بقلم ولاء شهاب
حوار بين تائهٍ ومهزوم … بقلم ولاء شهاب