الكاتبة دعاء رضوان فى حوار خاص للحياة نيوز
على هامش حلقتنا النهاردة فى بود كاست مش تريند لقناة اجيال حبينا يكون لنا لقاء فى الحياة نيوز مع الكاتبة دكتورة دعاء رضوان
– بداية بنرحب بيكى اهلا يا دكتورة
= اهلا بيكم وسعيدة بلقائي معاكم جدا
– دكتورة فى البداية عاوزة اعرف منك ازاى عرفتى توفقى بين طبيعة عملك كسيدة اعمال فى مجال استصلاح الاراضى وبين هوايتك ككاتبة ؟
= الانسان المشغول هو اللى تقدرى تكلفيه بمهام اكتر لان اتعود وقته وفكرة على عدم الفراغ والعمل هو الاساس لكن الكتابة هى مساحتى الشخصية للتعبير عن افكارى ومبادئ
– دكتورة انتى النهاردة جايبة لنا هدية قيمة مجموعه من كتبك ومؤلفاتك ممكن ناخد فكرة عنها سوا؟
= اه طبعا ياريت بس على فكرة دى مجموعه من الكتب مش كلها
– بسم الله ماشاء الله احنا معانا مجموعه باسم رسالة الى بنى صهيون و الطوفان الاخير وغضب الميدان وصرخة عانس ولو كنتى حرة اقبلى بضرة…..
_ ليه مهتمه بالكتابة فى السياسه رغم تعقيدها شيئا ما ؟
= بالعكس لو الانسان غير مهموم بالاحوال المحيطة بيه هيهتم بايه احنا لازم نكون مهموميين بالاحوال السياسية والاقتصادية وازاى نتعامل معاها
_ كنتى قلتى لى قبل التسجيل عن مبادرة لدعم القيادة السياسية؟
= اه فعلا بس انا اقصد بيها الدعم المحدد فى قضيه عدم التهجير لانها قضية امه قضية كرامة ونحن نتعرض لحصار قاسى بسبب مواقفنا دى
انا مؤمنه بان ده دورنا هذة الفترة نقول اننا ايد واحدة خلف قيادتنا الساسية
_ طب بالنسبة للكتابة الاجتماعية اين انتى ؟
= الفت مجموعه من المؤلفات حول التربية الايجابية والعنوسه والتعدد وغيرها
– هل للاطفال عندك اهتمام بالكتابة لهم ؟
= فعلا انا كتبت مجموعه من الكتابات موجهه للاطفال عن السلوكيات والاخلاق والعلاقات فى مراحل العمر المختلفة
– ايه الكتاب اللى بيشغلك فى هذة المرحلة ؟
= خليها مفجاة واوعدكم هتكونوا اول حد يعرف بانتهائه ومثوله للطبع
– بشكرك على ذوقك
= العفو انا اللى بشكركم على ذوقكم
More Stories
ياسمين البرنس أيقونة العفوية وصناعة المحتوى الهادف
عبير سليمان تطالب بهيئة دفاع نيابية للمرأة المصرية
السعداوى يشارك بمنافسات الدورى العالمي للكاراتية بإسبانيا