يوليو 18, 2024

جريدة الحياة نيوز

رئيس مجلس الادارة : نسرين رمزي

إصابة الفنان رامي جمال بــ “البهاق”

مادونا حمادة

أعلن المطرب رامي جمال عبر حسابه الرسمي بموقع التواصل الإجتماعي” فيسبوك” عن إصابته بمرض “البهاق” بعد ظهور بقع بيضاء اللون بمناطق بجسده .

ونشر رامي عبر حسابه قائلا “الحمد لله الذي أحبني فابتلاني وقدرني علي الصبر من فترة ظهرت بقع بيضا في جسمي وبالكشف عرفت أنه مرض البهاق وجربت أنواع علاج كتير ودكاترة كتير ومفيش فايدة”.

وأضاف رامي “رضيت وسلمت أمري لله عشان عرفت أن الزعل بيزوده وكفاية شغلانتي وصعوبتها والقلق دائم من المستقبل وفعلا بقي بيزيد لدرجة لفت نظر ناس كتير واللي بقي يقولي هتتعامل ازاي وأنت فنان واللي بيخاف يسلم عليا واللي يسألني هو ده معدي”.

تابع انا بقالي سنة فعلا لو عندي حفلة أو تصوير بتعب علي ما اشوف طريقة اخفيه بيها لدرجة خلت الناس تقولي شوف بيزنس تاني أعمله عشان ناس مش هتقبلك كده وفكرت في كلامهم الصراحة .

واستكمل “لقيت عندي حلين يا فعلا شكرا لحد كدة علي شغلانة دي رغم حبي ليها وعدم معرفتي بغيرها يا أما مش هداريه تاني وتقبلوني بيه وترحموا كل اللي ربنا ابتلاهم بيه من نظرة أن شكله غريب والحمد لله علي نعمة الأهل لأنهم الوحيدون اللي بيقبلوا الواحد زي ماهو” .

يذكر أن الفنان رامي أنتهي من تجهيز ” ألبومه” ومن مقرر عرضه في الأيام المقبلة.