الرائد محمد ناصف ..ضابط شرطة برتبة إنسان بقلم سارة هاشم

وائل شاب محترم من القوصية بمحافظة أسيوط لقيته قاعد لوحده في مكان مهجور بالقرب من مكان الخدمة علي بعد ٧٠متر لاحظته أكثر من مره أمنيا قولت أروح أشوفه و أفحصه لأننا في مأمورية هامة والحمد لله لقيته شخص عادي جدا والحزن في عينيه قولت له عايز أي حاجة أو اي خدمة نقدمهالك قالي متشكر لحضرتك سيبته ومشيت بعدها بشويه جاب شاي لي وللسائق وأنا متمركز بمأمورية هامة بالعاصمة الإدارية قولتله متشكر جدا مش هانقدر نشرب الشاي وياسيدي واجبك وصل لقيته زعل بصتله لقيت عينيه بتزرف دموع وقولتله أنت زعلت قالي بصراحه أنا نفسي أعمل اي خدمه لحضرتك أنا شايفك واقف من الصبح علي رجلك وتوجه الناس بابتسامة حلوه قولتله ده العادي بتاعنا وكل الضباط كده ولقيت دموعه نزلت سألته في إيه تاني بتعيط ليه الدنيا مش مستاهله إيه حكايتك قالي أنه بيعاني من مرض خطير بالمخ وأنه متوقع موته في أقرب وقت وبصيت علي المكان اللي قاعد فيه لقيته مشغل قرآن والمصلية علي كرسي وكاتب علي الحائط عبارة باستعجال الموت عشان يرتاح وقالي أنا عايش علي قراءة القرآن ومواظب علي الصلاه لقيت نفسي الدموع نزلت من عيني لما عرفت حكايته فقلت له واظب علي صلاتك وقراءة القرآن والصدقات وعمل الخير واضحك وأرمي و راك أي مشاكل وانسي المرض والأوهام وإن شاء الله ربنا معاك وأتجوز وعيش حياتك و استغلها صح في عمل الخير وقالي لو سمحت ممكن أخد صوره مع حضرتك لأنك عطيتني امل في الحياة قولتله تحت أمرك ده شرف لي واخدت منه الشاي وحلفت عليه أن يتغدي معايا …جبر الخواطر علي الله … وياريت دعواتكم  للشاب ده أن ربنا يشفيه ويعفي عنه.