حبيتك رغم فطامك ع القسوة و الأوجاع بقلم عبير علام

حبيتك رغم فطامك
ع القسوة و الأوجاع
حبيتك رغم انك فنان
ف الهجر و بإبداع
***
حبتني صحيح لكن صورتك
مافيهاش ولا لمحة تشبهني
حبتني و بان ف عيونك
إن كلام الحب قناع
***
اتاريك قادر ع التزيف
فرحك جرحك شئ مخيف
إزاي ورده ف عز خريف
تفتح يعني م التقطيف
او عالخد يسيل الدمع
يصبح زي حد السيف
***
فاكر لما رسمت وعود
انك رغم البعد تعود
و انك جنة ف بحر غريق
تحمل عمري بألف شراع
***
مش قادره اصون حبك
لكن مش قادره من بالي
أنساك قلبك داكن
إزاى رغم الحب دا باع
***
اتاريك قادر ع التزيف
فرحك جرحك شئ مخيف
إزاي ورده ف عز خريف
تفتح يعني م التقطيف
او عالخد يسيل الدمع
يصبح زي حد السيف