“آه يا غربتي” بقلم بسيوني صديق

آه يا غربتي
زهقت طهقت
مش عارف اعيش
خرجت طفشت
ركبت مركب مبتعديش
سألوني ليه
قلت عشان رغيف العيش
*********
آه يا غربتي
كلتها بدقه و صبرت
واسناني وقعت من القراقيش
ورايا كوم لحم عاوز يعيش
ذنبهم ايه
انهم مواليد زمن التهميش
اديني مهاجر
وكانت النهايه اغرق وماجيش
*********
آه يا غربتي
كنت ناوي وبأمانه
اتحمل الذل والاهانه
في بلاد الرحمه فيها مافيش
كل ده علشان خاطر بهانه
ام العيال الجعانه
اللي بيقضوها علي مفيش
*********
آه يا غربتي
لبست هدومي
ورجعت باكفاني
واتنصب صواني
حكايه وعديت
زي اللي قبلها مبتتحكيش
*********
آه يا غربتي
قالوا علينا
دول شوية مستهترين
بدل حضنهم لينا
رمونا ف البحر وغرقونا
والتبرير دول الفشلة تعبونا
اردم غطي
بلاش شغل الدراويش
*********
آه يا غربتي
مين يسمعني
ويكتب قصتي
واخر وصيتي
الشباب التعبان
راعيه ياللي ماىبتراعيش
اعطيه ياللي مابتعطيش
وفر له الحياة علشان يعيش