ما تتعشمش .. ما تحبش. بقلم: د. باسم موسى

ما تتعشمش!!..
…
وما تحبش!!..
…
ما تتعشمش أصل نهايته كسرة وجرح.
كتير عاموا في بحر عشم؛ …
… فنسيوا الفرح.
تفكر نفسك الأول،…
… وقلب الناس ما يتحول، …
… وإن مقامك العالي ما حينوله في يوم الطرح.
بتستنى حاجات وحاجات.
يفاجئوك إن دورك فات.
ساعتها الكسرة في نفسك، تحس معاها قلبك مات.
بإيه تنفع دموع وآهات..
ما تتعشمش
…
وما تحبش
ما قبلك حبوا ياما الناس.
ودابوا فقلب مِيت إحساس.
واحد بالحلو عشرة بمر، يملا الكاس.
فحتحب !…. تحصلهم!.
فراق منك…
… فراق منهم…
… وياما يكون بإيد الناس.
ساعتها قلبك الطيب عليه ينداس
ماهي الدنيا ألمها أساس.
ما عادت لقلبها إحساس …
… فمتحبش