الوزيرة الأم تعمل من أجل حياة كريمة

مكونانش بنعرف ننام من الخوف .. و النهارده مش عارفين ننام من الفرحه ” – ده نص كلام بناتنا الايتام في دار أخوين النهاردة

الساعه ١١.٣٠ بالليل وزيرة التضامن الأجتماعي نيڤين قباچ قامت بزياره مفاجأه لدار أخوين بنفسها للإطمئنان علي بناتنا الأيتام اللي تم التحرش بيهم من رئيس مجلس إدارة الجمعية.

نشرنا إستغاثة لرئاسة الجمهورية و وزيرة التضامن الأجتماعي و النائب العام صباحا لنفاجأ بوزيرة التضامن الأجتماعي نيفين قباج و اللواء هبة أبو العمايم مستشار الوزيرة للرعاية الاجتماعية ليلا وفي نفس اليوم في زيارة مفاجأة للدار للأطمئنان علي بناتنا الأيتام بنفسها.

مش قادرين نوصف لكم فرحة البنات بزيارة الوزيرة اللي قعدت مع البنات وسمعت منهم حكاياتهم ومشكلتهم ووعدتهم تحل مشكلتهم في أسرع وقت … و وعدتهم تحاسب كل إنسان قصر في حقهم أو لمس شعره منهم.

البنات كلمتنا ومش مصدقين نفسهم و صوتهم بيضحك لأول مرة من شهور … لأول مرة يحسوا انهم مش خايفين, لأول مرة يحسوا أن في حد خايف عليهم بعد مديرة الدار اللي توفت من سنة واللي كانت بالنسبه ليهم أمهم اللي بتخاف عليهم.

بنشكر رئاسة الجمهورية علي سرعة الإستجابة والتحرك في نفس اليوم حفاظاً علي بناتنا الأيتام

و ربنا يجبر بخاطرك يا دكتورة نيفين …. زي ما جبرتي بخاطر الإيتام .