” أنا المسجون ” بقلم شيماء جمال

إنا المسجون وانا السجان
أنا اللي مفيش ف حبه رهان
أنا اللي لو تقربله
تشوف الدنيا بالألوان
ولما تسيبه وتغرب
تقول دي حكايه كان ياماكان
أنا العاكس مع المعكوس
واللي مهما فيه بتدوس
يقوم عادي كأنه ماكان
أنا الداوي مع المجروح
أنا اللي الروح ف روحه تروح
لكل ما يشفي أوجاعه
وكل ما يبليه بالنوح
أنا الدابح مع المدبوح
أنا السكينه والمشرط
أنا اللي مهما هتشرط
لا يوم هبكي ولا اتشرط
أنا اغرب ما تلقاني
ضعيف في عز أحزاني
وحزني فيا قواني
أنا الملاك مع الشيطان
واللي مبلي بالنسيان
تشوف فعلي تقول إنسان
وقولي مهوش إنساني
أنا الشمس اللي بيها الضل
يواسي ويحمي قلب الكل
واللي بضيها تتعل
ومهما تدفي فيك بردان
أنا الخسران مع الكسبان
أنا اللي صان مع المتهان
أنا الانسان ف حضن الجان
تذل فيه ولم يتذل