“ملخص حياتنا” بقلم دينا محمد

– ما بنعملش أى حساب لواحد ساب ❤..
– بنزعل بس ع العشرة .. 
– لأن قلوبنا من جواها فيها الخير ..
– و فينا العند سد كبير ..
– و لو حسينا إن وجودنا مش فارق ..
– بدون إنذار بناخد روحنا و نفارق ..
– بنخسر ضعف ما بنكسب ، و كل دروسنا جرح عظيم ..
– بنضحك قد ما بنضحك ، مفيش جوانا جزء سليم ..
– عيوبنا كتير ما تتعدش ..
– مالينا الشك من يومنا ..
– بنتسرع ، بنتردد ..
– و لو كسلنا يجى سريرنا يفتح حضنه و نمدد ..
– نحب النوم و نخلصله ..
– و اسرع ناس نمل احنا ..
– نحب الناس و بنساعد ..
– و كله سايبنا فى المحنه ..
– مفيش فى قاموسنا نص و نص ..
– و مهما احتاسنا مش بنغش ..
– بنلعب لعبة المضمون ..
– بنرفض لبس مليون وش ..
– بنلبس وش فردى بلون ..
– بنكره مصطلح معلش
– و نتفرج على الكرتون ..
– بنمشى الدنيا دى بمبدأ ..
– يا إما نكون يا إما نكون ..
– و لو حبينا بنصدق ..
– و لو خدعونا مش بنخون ..
– لو حبينا بنلاقي ..
– شعور الغيرة نار و جنون ..
– لو قربنا بنحاول ..
– نسيب مسافات عشان عارفين ..
– بندي بدون ما بنحرص .. / .. بنتحول كتاب مفتوح ..
– بداية كل علاقتنا .. / .. وعود و سعادة واخدة الروح ..
– نهاية كل علاقتنا .. / .. صور أو ذكرى شايلة جروح ..
– قلوبنا قصور و مهجورة ..
– قصور جواها كذا صورة ..
– و ريحة ناس من الماضى ..
– فاتونا و بينا مليون سور ..
– ناس اختاروا ناس تانين ..
– و ناس نايمين فى حضن قبور ..
– قلوبنا أراضى صبحت بور ..
– و أشهر ناس بحب الصمت هم إحنا ..
– ما بنكررش طلباتنا ..
– و ما بنجرحش كرامتنا ..
– و ما بنفرضش على مخلوق وجودنا فى يوم ..
– بنعشق كافة التفاصيل ..
– بنعمل زوم لكل كيان ..
– و طول الوقت بنقارن ..
– كل الموجودين بزمان ..
– مرضى بلعنة الأدمان ..
– بنتعلق بأبسط شىء ..
– و بنحس ان كله برىء ..
– لذلك حظنا الصدمات ..
– و أيضا لعنة التفكير ..
– و لما نحب ننسى بجد ..
– بناخد وقت بس كبير ..
– مفيش جوانا شر لحد .
– مفيش جوانا إلا الخير ..
– بسيطة قلوبنا والله ..
– بترضى ب ابسط الأشياء ..
– بسيطة قلوبنا والله ..
– و من جوانا حد جميل ..
– بنتحمل … بنوعد وعد فنكمل ..
ملخص كل أيامنا ..بنوعد وعد فنكمل